Christy + Amos pre-wedding

要數對婚紗相狂熱嘅新娘子, 我想 Christy 認咗第二都好少人認第一.
因為佢總共影咗四輯婚紗相! 真係要代表業界去多謝佢. 哈哈.
我都好多謝佢同 Amos 俾咁大信心我, 因為佢地好早就 book 咗影相, 仲要之後去多次澳門影.
亦因為佢(地)咁狂熱, 我都試咗唔少新 idea, 手法同技巧. 希望出嚟效果佢地滿意啦.

Brian's favorite moment
呢張相我覺得都幾驚險. 喺條石板街著高跟鞋仲要俾 pose 同向後望.
但係我地為咗做 d 唔係咁 standard 嘅相, 難度高 d 都要照試.
長長嘅紅裙尾亦有意想不到嘅好效果.

Ronnie + Simon wedding

It has been a while since I took wedding pictures for Ronnie and Simon.

It was a day with nice weather and big moon.

Look at the bus below, it matched well with the Chinese wedding theme. 

Everyone enjoyed a lot in that day.

I like the game part during the night banquet which Simon needed to guess which hand belonged to Ronnie with his eyes covered. 

Brian's favorite moment
Love the car, love the people, love the atmosphere.

Jinner + Henry wedding

好喜歡感受婚禮一日裡面的親情, 友情及愛情.

雖然影一日相係幾辛苦, 但由相機裡拍出人與人之間之感情覺得幾辛苦都是值得的. 人生在世, 金錢名利如浮雲, 人與人之間之感覺才是最真的.

Jinner 有一班好錫佢嘅好姊妹, 而 Henry 亦有一班同佢好好感情的好兄弟. 喺 Door game 嘅設計入面好有心思亦都好有趣. 拍得很開心的一天...

Brian's favorite moment
Jinner 同 Henry 真係有求必應. 當我 propose 呢個動作嘅時候佢地好留心我想要嘅野, 之後一做就做到我想要嘅畫面. 佢地喺入面亦都好自然好開心. 希望佢地都好 enjoy 啦.

Vijo + Joseph wedding

Vijo 同 Joseph 係化妝師阿 Cat 介紹俾我嘅.

佢地童話般嘅婚禮其實喺 Bali 已經完成咗. 但係為咗同香港嘅親友分享佢地嘅喜悅, 佢地喺香港都有 d 簡單嘅儀式.

所以當日嘅 schedule 係比較悠閒的. 咁樣仲好, 可以俾多 d 時間我地影相嘛.

Brian's favorite moment
簡簡單單, 享受結婚的一天係我經常都同 d 新人講嘅. No rush... It's your day...

Kwan + Fung wedding

一男一女, 從兩個人變成一對戀人, 再由戀人變為一生一世的家人, 伴侶, 親人, 其中所經歷過的一定不少. 當中的苦與樂, 很多時候只有他們才知道.

每一次我拍攝婚禮時, 其實只是看到他們努力之後的成果. 有時看起來好像是"理所當然", 但實情可能是"得來不易".

有些時候兜兜轉轉, 到最後可能發覺幸福一早在身邊.



君同峰是我幫人拍婚紗相的第一次, 沒有第一次, 便沒有之後的嘗試. 所以當能見證他們的婚禮, 對於我來說係特別有意義, 好像在象徵著另一階段.

天公做美, 當日天氣十分好.

Brian's favorite moment
新娘子呢一刻到底在想什麼? 百感交集的一刻. 身為攝影師, 可以做的只有為她紀錄下來...

Cheryl + Joe wedding

The "same day edit" video of Cheryl and Joe's wedding has already been post before.
Let's share some of the photos on the day.

I remembered that Cheryl has lots of relatives that attended in the morning tea serving session. You can feel how they love Cheryl while Cheryl and Joe served tea for them. It turned the whole session into a big family party.

Brian's favorite moment
Many of the great wedding moments fly within a second. That's why you have to plan before you shoot in order to capture the most touching time which only happen once in their life time. Thanks for Cheryl and Joe giving me the opportunity to do that.

Joan + Tony wedding

自從跟 Joan 同 Tony 影完婚紗相後, 都好期待佢地嘅婚禮.
期待之餘都有 d 擔心, 因為佢地結婚當日係夏天, 好驚太熱嘅天氣令大家冇晒表情.
不過佢地兩個都係玩得之人, 當日婚禮順利進行. 大家仲無懼太陽走出去外影, 真係辛苦大家啦.

Brian's favorite
呢個年代, 其實扮靚嘅工作大部份都交晒俾化妝師. 姊妹都係同自己扮靚嘅多. 但係每當我叫 d 姊妹扮幫新娘扮靚時, 其實佢地真係好落力的. 不竟, 出嫁的都是一生中的好朋友. 好喜歡呢 d 歡樂溫暖嘅場面.

Catherine + Ambrose wedding

我對新郎哥 Ambrose 的表情,留下了深刻的印像. 因為佢唔笑嗰陣, 嗰樣係好認真硬崩崩的. 但係你叫到佢笑, 其實個笑容又好有趣.

Brian's favorite moment
Catherine 早上準備中...

Shinnie and Ronald pre-wedding

炎炎夏日, 令我諗番起上年的一個 pre-wedding shooting.
Shinnie 喺 Jessica 婚禮上搵我幫佢影婚紗相. 最特別的一個地方係會去一個唔係咁多人會去嘅地方 - 海洋公園.

Brian's favorite moment
去到一個新嘅地方拍攝, 其實周圍都係靈感. 我地亦周圍去唔同嘅景點影. 工作人員仲問我地駛唔駛封場添, 哈哈!

Cheryl and Joe wedding - same day edit

今次 post 嘅係我 video partner Anthony 整嘅一段 Same day edit (朝拍晚播).
由於係 partner 嘅關係, 我地整嘅片係會有 video + 我影嘅 snapshots 喺入面. 希望可以攞到兩者嘅優點, 又可以互補不足咁. video 嘅好處就係可以 capture 到多 d live 嘅氣氛同一 d 連續嘅情況, 而相嘅好處就係有好 d 嘅 color 同景深去捕捉人物嘅 emotion 環境咁.

而我地亦都諗咗加咗其他 idea 入去條片度, 好似 interview, intro 同 outro screen 咁. 希望可以令條片更加生動同 personalize. 另到睇片嘅新人同 guest 都有更加深刻嘅感覺.

Rongrong and Bing wedding

The bride Rongrong and the groom Bing have been living in the state for a long time. Therefore, their wedding is not a typical Hong Kong style wedding. The schedule was pretty leisure (relatively to a common  HK style), which actually quite good as we might have a bit more time to take pictures in the hotel and the park.

Brian's favorite moment
As Rongrong and Bing lived in a foreign country for a period of time, they looked for photos which are more western style. They want something which are situational, honest, and unposed, with very honest emotions and lack of pretense. I was glad when they told me my style fits what they are looking for. This was a moment when they were ready to go for the registration. Sweet and happy.

Joan and Tony pre-wedding

緣份...
兩個人要在一起, 要緣份.
要影到滿意的外影, 除了攝影師及其他人的準備外, 有時候都要靠緣份.

Brian's favorite moment
因為當時"天人合一"個景太多人的關係, 我們走進了宿舍想找一些其他場地先拍攝. 點知發現呢個宿舍 common area 係好靚, 還裝滿了他們的回憶.

Sze and Shun wedding

可能由於之前已經同阿詩同阿信影過 pre-wedding 嘅關係, 今次幫佢地影婚禮再見到佢地好似見到老朋友一樣, 有一份份外的親切感.

Brian's favorite moment

花女妹妹唔知係咪都好期待自己嘅大日子快 d 嚟呢? ^^

拍花仔女 moment 真係唔易, 因為佢地好多時動作好快同埋唔會聽你講做多次架.

Ka Wai and Man Kit wedding

Ka Wai 同 Man Kit 其實之前搵咗我幫佢地影咗輯香港婚照, 今次佢地結婚我又可以再幫佢地影相啦. 時間過得真快, 尤其是愉快的拍攝時間...

Brian's favorite moment
好多時候,簡單嘅相 反而覺得仲靚.就好似生活一樣, 簡單嘅生活, 先係最舒服嘅.
攝於 1881 Heritage 的一角落.

Bobo - beauty shot

一向覺得 Bobo 個樣係幾 photogenic. 眼神有著攝人的感覺.
今次有機會幫佢影張大頭照, 希望大家從相片看得出我的同感.
下次有機會再玩過. ^^

Katherine and Patrick pre-wedding

Patrick 給我的感覺是他很會照顧 Katherine.
初次見他們已覺得他們是很襯的一對.

Brian's favorite moment
呢個意境其實喺我腦海好耐, 只不過要喺香港搵一個配合嘅環境唔係咁易.
呢個構圖唔係對對新人都會好 match, 但係我覺得 Katherine 同 Patrick 係好夾呢個景, 出嚟個效果我都好滿意, 亦好有 mood.

Jeffrey and Baby Taylor

這次 test shoot 唔係用咗好多時間 prepare.
只不過係我一時興起想試下 lighting setup 嘅一次 trial.

出嚟效果同我想像嘅不遠.

Brian's favorite moment
多謝 Jeffrey和 Baby Taylor 的參與.

Jessica and Oi wedding

我跟 Jessica 同 Oi 之前拍過婚紗相。
他們經過數次婚相拍攝之後，其實對擺 pose 都架輕就熟，到婚禮時一點都難不到他們。^^

Brian's favorite moment
很喜歡 City View 的婚照。多謝“阿姐”的參與。這張其實是外影回程時影的。紅燈時間只有廿十秒，腦海中想到這樣的一個畫面就跑到對面叫他們 pose.  好彩沒有被車撞。

Suki and Angus wedding

Suki was a friend that I met in my university life.
She is a very smart girl and all our friends always wonder who is she going to marry.

I was so happy to take photographs in their big day which was more than a year ago.

Brian's favorite moment
Suki was so nervous about what's going on during the game section. She wanna sneaked a peek from her room.

Zoe and J pre-wedding

影婚紗相真係一件好開心嘅事.
因為新人搵得你影, 某程度係覺得你 d 相合佢地 style. 如果新人又係玩得之人乜都肯試, 基本上你叫佢地做乜佢地都會盡量配合. 好多時有好多新 idea 係新人同攝影師都估唔到嘅. 我亦好 enjoy 同唔同新人有唔同嘅火花出到嚟.

Brian's favorite moment
一般新人唔係專業 model, 對擺 pose 一開始其實都唔係咁熟, 影相會較生硬. 所以我一向都會叫佢地幻想下唔同嘅情景, 當自己代入當時嘅情景時, 神情會自然流露出嚟. 我自己好鍾意呢張 "空中新人". 神情流露得十分好, 頭紗又飄得靚. 70-200mm 做出來的視覺壓迫咁很強烈.

Sze and Shun pre-wedding

好喜歡跟很喜歡影相的新人拍照.

Brian's favorite moment
香港這個人煙稠密的大城市, 找戶外靚景不易, 但城市靚景郤不難找. 像上面這相片就是在中環的電車站. 雖說是同一個電車站, 但車站的廣告很快便更新, 每次都可以找到新的影法. 十分有趣.

Related posts

I've recently added a related post function to my blog which hope to let my friends to discover similar post which they should be interested in.

This gadget is so easy to add. Much much easier than the previous "Blog header slideshow"
Thanks to "LinkWithin" to create so a great function.

Hope you like it. ^^

Winnie and Alwin wedding

新娘子 Winnie 給我的感覺是十分著重細節, 一切皆要盡善盡美的人. 她對自己的婚禮是十分有要求的, 而她的執著亦令她的婚禮十全十美, 真的很美.

Brian's favorite moment
十分喜歡這張相. 爸爸帶著女兒, 準備交給新郎 Alwin 的一刻. 心情應該是既緊張又興奮又充滿著不捨. 這亦是我喜歡拍攝婚禮的原因, 往往令人百感交集. 長鏡頭小黑五亦給我能力準確捕捉這個開心時刻. 大光圈淺景深亦給人很有電影故事的感覺.

Blog header slideshow

搞咗好幾日,終於整到個 header slideshow 喺個 blog 度. 已家有 slideshow 仲有晒 transition effect,  好靚.
起初仲以為好易,其實真係好易, apply 番人地寫好嘅 code 就得, 不過都試咗好幾個. 
但係要 customize 佢 fit 到我想要嘅位同字要 d 心機.
最煩係 debug.
因為我多數用 chrome / firefox 睇係冇事嘅, 但係一轉 IE 就 hang. 最慘我見到好多人都仲用緊 IE, 所以一定要搞番掂佢.
最後原來係個留言同佢撞咗, 搞掂後家陣應該大部份 browser 都睇到同唔會 hang 機.

本身如果好似其他 photo blog 咁用 flash 就唔會有咁多問題嘅應該, 但係我要支持 Apple, 唔用 Flash! HAHA... 咁用 iPhone 嘅朋友仔都睇到嘛. 鍾意嘅可以 subscribe個 feed 同做 facebook fan/like 啦. ^^

如果大家有咩睇唔到唔該話聲我知呀. Thanks!

Carmen and Anthony post-wedding

香港唔係咁多人影 post-wedding photo.
但係其實外國人好鍾意影的.
兩個人的甜蜜, 不在乎時間, 不在乎地點, 不在乎服飾衣著美酒佳餚, 只在乎那兩個人...

Brian's favorite moment
十分喜愛這一張. 樓梯, 好像代表了他們愛情的路, 一直走下去. 手拖手, 好像代表了這路裡他們不會寂寞. 從他們的神情, 感受到他們婚後的甜蜜.

Anna and Ralph wedding

Anna knew me through Kung and Wallace.
Actually, most of their wedding activities were in China and they had their registration in HK.
Therefore, on the day of shooting, we had plenty of time to shoot. I was almost confused if I was doing a pre-wedding photo shoot. ^^

Brian's favorite moment
The best thing to shoot in HKU during the weekdays is you can go into the Music Department. The red carpet was so nice and clean and really makes the couple to stand out. I used my Nikkor 24-70mm f/2.8G in this shot. The lighting is purely ambient. Thanks to the great technology in D700 ISO enhancement, the photo is wonderful even in ISO3200. I asked them to look up and imagine themselves dancing in a ball room.

Jennifer and Man Shing pre-wedding

Jennifer 跟 Man Shing 是 Wickey 介紹下找我幫他們拍婚紗照的.
我還起第一次跟他們在日本餐廳見面時, 他們便一次過叫我幫他們拍婚紗相及婚禮.
真的很感謝他們對我的信任.

Brian's favorite moment
一直認為 hku main building 這鐘樓很美. 但如果走近拍的話不是太多人就是畫面不夠簡潔.我這張相用了  Nikon 70-200mm f/2.8 影, 長鏡大光圈令背景變得模糊, 但又讓你能夠有鐘樓的感覺. 更不會搶了新人的風頭, 不竟婚紗照應該新人才是主角嘛.

Jessica and Oi pre-wedding

有人說，在校園中找到的愛情比較純比較真。
Jessica 跟 Oi 就是在今次拍攝場地 ”順德聯誼總會梁銶琚中學" 中認識的。從認識到拍拖到最後結婚，真的是很長的一條路。

Brian's favorite moment
中學時代，談情的地方可能是很簡單的地方。那裡未必有舒適的坐位，未必有漂亮的佈置，未必有美麗的鮮花，未必有美酒美食。但只要有對方，那就足夠。拍攝時我叫他們回想一下他們往時談情的感覺，神情很自然就能流露出來。很 sweet 的一張相。

Wickey and Marchy wedding

其實我在每一個婚禮都很感動。但可能我六歲時已認識新郎 Marchy 的關係，這場婚禮份外觸動我的心。有些 moment 差點連快門都按不了。

Brian's favorite moment
Marchy拿著 MIC 在小朋友合唱團的伴唱下，唱歌給 Wickey 聽。

Kung and Wallace wedding

系花配系草, 很登對的一對新人.

新娘子阿龑及新郎哥 Wallace 是他們大學時代中的系花系草 (我相信中學時代也是吧! ^^). 如今看見他們俊男配美女, 相信大家都會送上祝福給他們.

這個婚禮已經拍了好一段日子了, 我還記得新娘子在台上感謝父母的一刻, 很感動. 雖然現在的我已經參與了不少婚禮, 但到這些感人位置我仍不禁"眼濕濕". ^^

Brian's favorite moment

晚宴前我們到了海傍拍照, 維港景色非常醉人.

Kwan and Fung pre-wedding

這次 pre-wedding 真的很值得紀念, 因為這是我正式第一次做的 pre-wedding photo shoot.

Brian's favorite

我最喜歡 cross-over 一 d 野入婚紗相入面. cross-over 的如果是新人喜歡及有感覺的東西出來的感覺得更好. 因為 Kwan 同 Fung 係喺壘球場上認識, 那當然要把壘球用物件拍進去囉.

The making of Wickey and Marchy pre-wedding

當日拍攝 Wickey 同 Marchy 的婚紗照時，攝錄師 Anthony 幫他們弄了一條 "The making of" video 好讓他們可於婚禮時播放，讓朋友們分享當日拍攝的喜與樂。





還有在此多謝當日幫手的 Josphine.

還附上我為他們弄的 slideshow. ^^

Lilian and Eric wedding

漂亮, 是真的有基因控制的.

Brian's favorite
Lilian 出場前的一刻, 心情又緊張又開心.

Cherry and Raymond pre-wedding

很多時候, 新人們喜歡請 freelance 攝影師為他們拍照, 是因為他們比起傳統婚紗相公司來得自由. 地點基本上隨新人喜歡, 只要能去到的地方攝影師大都願意嘗試. 這樣對雙方都很好. 因為新人們可以去一些他們有回憶的地方, 照片出來的笑容也不一樣;而攝影師亦因面對不一樣的環境,對他們的創作亦有新的衝擊.

我很喜歡新人帶我到他們相識的地方, 聽聽他們的故事, 感受一下他們的愛.
好像 Cherry 跟 Raymond , 他們就是在中文大學所認識, 而他們也很想在 cu 拍一輯 pre-wedding.

Brian's favorite
大學的階梯, 你我的手, 我們的指環

Wickey and Marchy pre-wedding

我的婚禮婚紗攝影中, 其中一對我最想多謝的新人, 就係 Wickey and Marchy.
點解呢? 因為冇佢地, 我可能未必會開始嘗試認真咁去影.

如果你有留意之前我所講, 我已經認識了他們倆非常之久.
所以我很高興之前為他們拍攝這輯婚照, 地點還在他們很想去的"香港大學"(HKU) 及中環.

要多謝他們並不只是因為他們在我還沒有很多 profolio 時就給我去拍, 還有他們在攝影工作上的支持. 因為 Wickey 有化妝經驗的關係, 所以之後有部份化妝的工作都是她給新人們完成的. 而 Marchy 亦是非常有效率的燈光師, 幫了我不少的照片.

Brian's favorite
很喜歡域多利監獄前的這片牆, 很有質感.

Yan and Sun - "same day edit"

送上阿恩阿申當日的 “朝拍晚播” (Same day edit).
多謝攝錄師 Anthony 及助手 Ryan 的幫忙，呢條片整得真係唔錯。還要多謝阿東幫忙影團體相.
我特別喜歡中間訪問部份，出來的感覺十分“生鬼”。可能澄澄之前修讀有關課程關係，這些部份好像手到拿來的一樣。

慢慢欣賞!

Video

Yan and Coolio from Chingching Imagery on Vimeo.

Finding Brian for photo shoot

如你有興趣找我拍照 (pre-wedding / engagement / wedding day / portrait / family / event / etc), 請發 email (brianyip.photography "at" gmail.com)給我。 我會盡快覆你！ ^^

If you are interested in finding me as your photographer (pre-wedding / engagement / wedding day / portrait / family / event / etc), please leave me email (brianyip.photography "at" gmail.com). I will get back to you as soon as possible. ^^

 

希望能見到你們.

Hope to see you soon.

Yan and Sun wedding

新娘子是我一個十多年的朋友。回想當天（大半年前）她放心讓我的攝影團隊去拍攝她的婚禮，我真的十分高興她給予我這麼大的信心。

Brian's favorite

這天的拍攝我的自由度十分大，因為所有的工作人員都是我帶去的，合作無間。
由於我認識新郎新娘可能很久的關係，當天所有拍攝都十分順利，也嘗試了很多一直在我腦海的東西，我真的很感謝他們。

Wickey and Marchy wedding - same day edit

Marchy 是我廿多年的朋友, 很高興能在他的大日子幫他影相.
雖然已經是 09 年 12 月的拍攝，但記憶仍很深刻。

當天身兼兄弟的我, 一直苦惱如何進行拍照. 最後都能順利完成.

當天遊戲十分多, 時間亦很充足.
教堂部份亦十分多動人鏡頭, 雖辛苦, 但滿足.

希望他望喜歡啦.
睇住 same day slideshow 先，遲D再補番相先. 

祝永結同心, 年生貴子! ^^


P.S. 到 facebook 內會有 HD version.

About this blog - Brian Yip Photography

一直以來, 都很希望為自己的攝影工作做一些紀錄.
一方面可看看自已的成長，另一方便又可以令大家知道我的攝影風格。

初初拍攝婚禮的時候，的確只是受朋友所托，影影相，補補 shot.
慢慢看見一些 wedding photographer 所拍出來的照片，很有感覺。稍後更 enjoy 了拍攝的過程和享受和新人們一同在這大日子中的一切。我好希望可以用我所學所見的所想的，為一對對新人喺佢地嘅大日子，拍出令佢地難忘高興的一刻。

希望我在這 BLOG 中 POST 嘅相係大家都會喜歡的。我會盡我能力 post 新/舊相的.
大家不防多點留言，話我知你最喜歡那一張。^^
喜歡的話可 subscribe RSS feed keep 住 update 呢.