Purple + Jeff wedding video

最簡單的說話，只要真心的出自愛人之口，你嘅另一半必定會感動。

Jeff 本身係咁同我地講唔知咩說話好，但又好想講給 Purple 知自己心裡面嘅感受。
我地俾咗少少時間佢，佢好快, 1 take 過咁就錄咗一段看似平凡，但很窩心的說話。令段 same day edit 生色不少。

一齊嚟回味下當日嘅 Same Day Edit.



HD version: https://vimeo.com/53313061

好開心 partner Summer 出呢個 2V job.
亦好多謝我至愛嘅 Photographer partner Howard 細心引導新郎哥講出佢心底嘅說話。

Maggie + Vincent wedding video

其實話說回來，呢次先係我第一次火拍 Howard 嘅 Video job.
雖然呢個只係一個半日嘅 job, 但係當日嘅喜悅感同一對新人嘅甜蜜都盡在當日嘅片段裡面。

分享番當日嘅 Highlight.




HD version: https://vimeo.com/48793406

Lydia + Eric wedding

如果有留意我嘅相嘅話相信對 Lydia 同 Eric 都唔會陌生，因為佢地就係風帆婚紗相嘅男女主角，未睇過嘅記住去睇下啦！Link

好開心喺佢地婚禮再一次幫佢地影相。
雖然只係半日嘅婚禮，但有好多感動位我都好鍾意。

Brian's favorite
Be brave, and you will become a man!

Suki + Angus pregnancy

龍年效應真係特別多人生BB, 所以今年都影咗好多 pair 大肚相.

雖然 pregnancy photo 有啲 post 係實影嘅，但係我都好喜歡睇下新人係咩性格咩背景去影番啲唔同嘅相俾佢地，有時真係意相不到。

Suki 同 Angus 都係愛運動之人，所以輯相都好生動活潑。

而一向瘦開嘅 Suki，大肚時都係咁瘦！

Brian's favorite

本身未熱身兩個都有啲唔習慣唔自然，一叫佢地玩呢啲高難度動作就兩個都生猛晒。正！

Katherine + Patrick family

快樂可以很簡單。

我自己最遠古嘅記憶大槪去到三歲，喺天台同媽媽一同晒衣服。
今次我幫 Katherine Patrick 同埋佢囡囡喺囡囡兩歲生日時影相，做囡囡嘅生日禮物，唔知佢大個咗會唔會記得嗰日影相嘅事呢？

Brian's favorite

最鍾意同舊客人再影相。好似見證佢地好多人生重意經歷一樣。

你地認得 pre-wedding 嗰時嘅佢地嘛？

Phebe + Keith pre-wedding

我認識嘅 Phebe 同 Keith 都係大情大性，不怐小節嘅人。
所以同佢地影相同做後期都係好舒服。
今次佢地又帶我地番番去佢地識嘅中學，又聽下佢地嘅故事，成個拍攝都好好玩好輕鬆（除咗搬野上落山...)。

相信嚟緊影佢地嘅婚禮都一樣咁好玩！

Brian's favorite moment

影呢張相嘅時候我好鍾意，因為同對新人嘅 contrast 好大。

但係最令我意外嘅係佢地揀咗呢張放入相簿！

好鍾意呢隻狗仔氣定神閒咁行過，令呢個俾人影咗好多次嘅景變得不一樣。

Susanna + Esmond wedding video

外表成熟嘅新郎哥，原來說話十分風趣幽默。新娘子每天應該都被他氹得很開心。

今次火拍擅長捕捉開心自然感覺的攝影師 Howard Liu，拍攝 Susanna 同 Esmond 嘅婚禮 Video。好多謝 Howard 同一對新人俾呢次機會我，今次拍攝我都獲益良多。自己出 team 同只係做攝錄嘅工作岡位唔同，睇嘅野同諗嘅野都唔同咗。希望我影嘅相嘅經驗可以助拍 video 一把啦。

送俾大家當日嘅 Same Day Edit.

HD version: https://vimeo.com/46810999

Dominic 1st birthday

還記得我仲係細路嘅時候，媽媽為我搞咗好幾次生日會。
每一次都請咗好多我嘅好朋友、好同學、好鄰居同親戚，非常熱鬧同開心。
每一次都係我嘅美好童年回憶。

今次幫 Dominic 影嘅嘅一歲生日會，希望都幫佢地一家人留個美好回憶！

Brian's favorite moment

一家人的開心

Lydia + Eric pre-wedding

呢一次嘅 pre-wedding 係我影咁多次最驚險嘅。
本身 Lydia 同 Eric 搵我影相時，我聽到佢地話有興趣去海邊影我已經心感興奮。但當聽多啲詳情之後，原來係玩滑浪風帆，簡直係一次挑戰，真係又緊張又興奮。
當日最驚險莫過於要影佢地揚帆出海，我坐嘅小橡皮艇真係比我想像中小。一個浪埋嚟真係可以反咁滯。好彩最後都有驚無險，影咗一個好特別我又好鍾意嘅 pre-wedding.

Brian's favorite
今次最特別之處係佢地真係識玩，所以啲動作真係超靚超動感！

Christy + Amos pre-wedding @ Macau

近排終於有機會將啲好想出但係好耐都未出嘅相 post 出嚟。
Christy 同 Amos 已經同佢地影咗一輯 pre-wedding, 好開心佢地仲搵我去影第二次 pre-wedding.
今次我地嘅地點係澳門。
澳門靚景真係好多，但係雨水都好多，成日都落住大大細細嘅雨雨。
但係我地當日風雨不改，繼續去！

Brian's favorite

我真係幾鍾意玩 tag line...

Selma + Brian wedding video

同我一齊工作過嘅朋友都知，其實我除咗鍾意影相之外，我都好鍾意影 Video.
但由於係用 Nikon 嘅關係，通常 Video 嗰 part 我都交晒俾我嘅 Partner 負責，我都係從旁協助及俾 Idea 多。
近排換咗 D800，終於有個似樣嘅 Video function，又可以用番晒啲鏡，真係好鬼正。
二話不說即刻用嚟試下出 job 嘅表現啦。
呢個 job 係 100%  由 Brian Yip 一手由前期到後期包辦，做完覺得影一日 video 仲攰過影相呢。

講番對新人。
新郎哥係我大學時嘅莊 mate.
當日見到佢成家立室，新娘同其他朋友都對佢讚不絕口，覺得佢真係成長咗好多。
希望你地都喜歡條片啦！


Check out HD version here

Sally + Andy wedding

兩年幾前喺 Lilian 同 Eric 嘅婚禮上面影 snapshots 時識咗 Sally, 當時仲係我自己一個人出 job 影 snapshots 嘅年代。估唔到上年突然收到 Sally 嘅 Email 問我可唔可以做佢嘅婚禮攝影師，我當時都有少少突然同感動。到後來知道，我係佢第一個搵嘅攝影師同知我有期就 confirm，真係好多謝佢對我嘅信任。

Brian's favorite moment
唔知每一個新娘喺早上化妝係興奮定係緊張呢？

Ocean + Johnny pre-wedding

之前都 post 咗 Ocean 同 Johnny 嘅 pre-wedding 片同婚禮相, 一直都未有機會 Share 番啲 pre-wedding 相。

唔知幾時有機會 Share 佢地嘅大肚相呀？ BB 相呀？ 家庭相呀咁呢？
有時覺得做我呢份工作，大部份時間都係 Share 相中人嘅開心時刻，其實真係好值得開心嘅事情.

Brian's favorite

呢個 BU 位其實只係宿舍一角，但係我好鍾意。影完都 Wow 咗一聲...

400, 60000

不知不覺 Facebook 嘅 Page 已經去到 400.
Blog 嘅 Page view 都已經過咗 60,000.
好多謝各界朋友嘅支持。
雖然唔係咩大建樹，但係對我都係一種無形嘅鼓勵。

希望我可以好快咁出 500, 600; 70,000, 80,000 嘅 post 啦。

你地嘅簡單的說話，Click 一 Click 個 Like 真係對我地工作嘅一種肯定及鼓勵。
會繼續 post 多啲相同片同大家分享.

Virginia + Thomas pre-wedding

好耐都冇 post pre-wedding 嘅相。
其實我成日問自己，究竟鍾意影 pre-wedding 多啲定係 wedding 多啲。
結果係，影緊 pre-wedding 時，會掛住可以捕捉 wedding day 時好多人與人之間微妙嘅關係，又可以同 partner 一齊諗 same day edit 嘅做法. 但係影 wedding 時，又好掛住 pre-wedding 時新人俾信心同時間我，任我構造我心中想要嘅畫面。所以都係心大心細，揀唔到，兩樣都鍾意。

Virginia 同我係科大嘅同學仔。佢地話想番去科大影我梗係超鍾意啦。
科大唔同港大，係新型嘅大學。沒有古跡嘅建築，但係有現代感十足、充滿線條感嘅設計。影出嚟係兩個完全唔同嘅感覺。不過其實只要係新人有感覺嘅地方，影出嚟嘅相一定有甜蜜嘅感覺。

Brian's favorite

磨菇窗，借嚟做一個大相架。

Karen + Pui wedding

一個令人非常之感動嘅婚禮。
每次影好朋友嘅婚禮我都有大啲嘅壓力。因為識咗佢地咁耐，對佢地每一個動作，言詞都會有更深嘅感覺。有時見到啲場景自己都感動到落淚，差點連快門都按不下。哈哈。
Karen 係一個好容易喊又好鍾意笑嘅女仔。所以阿培當日為佢地所做嘅野同講過嘅每一句說話都令到 Karen 大哭大笑。Karen 為阿培流的每一滴淚，仿佛背後都有一個佢地自己先知嘅感動故事。

我希望呢輯相係我送俾你地最好嘅禮物。

Brian's favorite moment

我地喺度錄緊 Same Day Edit sound bite 嘅一刻。睇住 Karen 呢一滴眼淚慢慢流出嚟，同埋佢望住阿培嘅呢個眼神，我嗰一刻都俾佢地深深感動. 

Liz + Mike wedding

Mike 係我嘅大學同學. 好開心咁多年見番之後, 佢話睇完我 blog/fb d 相就交晒佢婚禮嘅攝影俾我. 我當然盡我最大能力去幫佢影好佢嘅大日子啦.

半島出門, 洲際晚宴, 靚靚陽光, 充裕嘅時間都令我地可以影好多靚相同片. 

池邊嘅情深對話又令到阿 Liz 眼濕濕 (詳見下面 Same Day Edit)

總之成日發生嘅人同事都好難忘. 

Brian's favorite

好靚的光, 好不經意的 pose, 好型的兄弟.