Phebe + Keith pre-wedding

我認識嘅 Phebe 同 Keith 都係大情大性，不怐小節嘅人。
所以同佢地影相同做後期都係好舒服。
今次佢地又帶我地番番去佢地識嘅中學，又聽下佢地嘅故事，成個拍攝都好好玩好輕鬆（除咗搬野上落山...)。

相信嚟緊影佢地嘅婚禮都一樣咁好玩！

Brian's favorite moment

影呢張相嘅時候我好鍾意，因為同對新人嘅 contrast 好大。

但係最令我意外嘅係佢地揀咗呢張放入相簿！

好鍾意呢隻狗仔氣定神閒咁行過，令呢個俾人影咗好多次嘅景變得不一樣。

Ocean + Johnny pre-wedding

之前都 post 咗 Ocean 同 Johnny 嘅 pre-wedding 片同婚禮相, 一直都未有機會 Share 番啲 pre-wedding 相。

唔知幾時有機會 Share 佢地嘅大肚相呀？ BB 相呀？ 家庭相呀咁呢？
有時覺得做我呢份工作，大部份時間都係 Share 相中人嘅開心時刻，其實真係好值得開心嘅事情.

Brian's favorite

呢個 BU 位其實只係宿舍一角，但係我好鍾意。影完都 Wow 咗一聲...

Virginia + Thomas pre-wedding

好耐都冇 post pre-wedding 嘅相。
其實我成日問自己，究竟鍾意影 pre-wedding 多啲定係 wedding 多啲。
結果係，影緊 pre-wedding 時，會掛住可以捕捉 wedding day 時好多人與人之間微妙嘅關係，又可以同 partner 一齊諗 same day edit 嘅做法. 但係影 wedding 時，又好掛住 pre-wedding 時新人俾信心同時間我，任我構造我心中想要嘅畫面。所以都係心大心細，揀唔到，兩樣都鍾意。

Virginia 同我係科大嘅同學仔。佢地話想番去科大影我梗係超鍾意啦。
科大唔同港大，係新型嘅大學。沒有古跡嘅建築，但係有現代感十足、充滿線條感嘅設計。影出嚟係兩個完全唔同嘅感覺。不過其實只要係新人有感覺嘅地方，影出嚟嘅相一定有甜蜜嘅感覺。

Brian's favorite

磨菇窗，借嚟做一個大相架。

Zoe + Chi pre-wedding

我覺得有兩樣野係幾難影嘅, 第一就係 bb 仔, 第二就係動物. 因為你永遠都唔知佢地想點. 同佢地影相你要好有技巧咁樣引佢地.

Zoe 屋企養咗好多隻貓 (我諗大槪有 5-6 隻吧). 佢想同佢 d 貓貓一齊影相, 於是我盡量將佢屋企變成一個簡單 d 嘅影樓, 咁就唔駛帶 d 貓出去又影到啦. 當日佢 d 貓貓都算合作, 冇爪傷我, 但係都係坐唔定. 所以最後都只係可以一隻隻影, 又或者抱住影.

Brian's favorite

簡簡單單, 全家幅, 好幸福...

Ka Wai + Man Kit pre-wedding

呢一次 pre-wedding photo shoot 係一次好特別嘅 photo shoot, 因為我"講不出聲".

朝早開始影時都冇乜事, 但影到午飯之後 (唔知係咪 d 野食有問題), 喉嚨非常之痛, 最好仲好似 d 人去完演唱會大叫後開唔到聲咁. 起初我非常擔心, 因為其實攝影師同被攝者嘅溝通係非常重要. 好彩, 嗰日嘅溝通仲可以通過燈光師嘅傳達, 未致出現問題. 多謝嘉慧同文傑嘅體諒.

Brian's favorite

好喜歡域多利監獄門口呢幅場, 因為真係好多影法都靚同特別.

Joan and Tony pre-wedding

緣份...
兩個人要在一起, 要緣份.
要影到滿意的外影, 除了攝影師及其他人的準備外, 有時候都要靠緣份.

Brian's favorite moment
因為當時"天人合一"個景太多人的關係, 我們走進了宿舍想找一些其他場地先拍攝. 點知發現呢個宿舍 common area 係好靚, 還裝滿了他們的回憶.

Katherine and Patrick pre-wedding

Patrick 給我的感覺是他很會照顧 Katherine.
初次見他們已覺得他們是很襯的一對.

Brian's favorite moment
呢個意境其實喺我腦海好耐, 只不過要喺香港搵一個配合嘅環境唔係咁易.
呢個構圖唔係對對新人都會好 match, 但係我覺得 Katherine 同 Patrick 係好夾呢個景, 出嚟個效果我都好滿意, 亦好有 mood.

Zoe and J pre-wedding

影婚紗相真係一件好開心嘅事.
因為新人搵得你影, 某程度係覺得你 d 相合佢地 style. 如果新人又係玩得之人乜都肯試, 基本上你叫佢地做乜佢地都會盡量配合. 好多時有好多新 idea 係新人同攝影師都估唔到嘅. 我亦好 enjoy 同唔同新人有唔同嘅火花出到嚟.

Brian's favorite moment
一般新人唔係專業 model, 對擺 pose 一開始其實都唔係咁熟, 影相會較生硬. 所以我一向都會叫佢地幻想下唔同嘅情景, 當自己代入當時嘅情景時, 神情會自然流露出嚟. 我自己好鍾意呢張 "空中新人". 神情流露得十分好, 頭紗又飄得靚. 70-200mm 做出來的視覺壓迫咁很強烈.

Sze and Shun pre-wedding

好喜歡跟很喜歡影相的新人拍照.

Brian's favorite moment
香港這個人煙稠密的大城市, 找戶外靚景不易, 但城市靚景郤不難找. 像上面這相片就是在中環的電車站. 雖說是同一個電車站, 但車站的廣告很快便更新, 每次都可以找到新的影法. 十分有趣.

Jennifer and Man Shing pre-wedding

Jennifer 跟 Man Shing 是 Wickey 介紹下找我幫他們拍婚紗照的.
我還起第一次跟他們在日本餐廳見面時, 他們便一次過叫我幫他們拍婚紗相及婚禮.
真的很感謝他們對我的信任.

Brian's favorite moment
一直認為 hku main building 這鐘樓很美. 但如果走近拍的話不是太多人就是畫面不夠簡潔.我這張相用了  Nikon 70-200mm f/2.8 影, 長鏡大光圈令背景變得模糊, 但又讓你能夠有鐘樓的感覺. 更不會搶了新人的風頭, 不竟婚紗照應該新人才是主角嘛.

Kwan and Fung pre-wedding

這次 pre-wedding 真的很值得紀念, 因為這是我正式第一次做的 pre-wedding photo shoot.

Brian's favorite

我最喜歡 cross-over 一 d 野入婚紗相入面. cross-over 的如果是新人喜歡及有感覺的東西出來的感覺得更好. 因為 Kwan 同 Fung 係喺壘球場上認識, 那當然要把壘球用物件拍進去囉.

The making of Wickey and Marchy pre-wedding

當日拍攝 Wickey 同 Marchy 的婚紗照時，攝錄師 Anthony 幫他們弄了一條 "The making of" video 好讓他們可於婚禮時播放，讓朋友們分享當日拍攝的喜與樂。





還有在此多謝當日幫手的 Josphine.

還附上我為他們弄的 slideshow. ^^

Wickey and Marchy pre-wedding

我的婚禮婚紗攝影中, 其中一對我最想多謝的新人, 就係 Wickey and Marchy.
點解呢? 因為冇佢地, 我可能未必會開始嘗試認真咁去影.

如果你有留意之前我所講, 我已經認識了他們倆非常之久.
所以我很高興之前為他們拍攝這輯婚照, 地點還在他們很想去的"香港大學"(HKU) 及中環.

要多謝他們並不只是因為他們在我還沒有很多 profolio 時就給我去拍, 還有他們在攝影工作上的支持. 因為 Wickey 有化妝經驗的關係, 所以之後有部份化妝的工作都是她給新人們完成的. 而 Marchy 亦是非常有效率的燈光師, 幫了我不少的照片.

Brian's favorite
很喜歡域多利監獄前的這片牆, 很有質感.