一直以來, 我都係 focus 喺影相度. 但其實有好多嘅感覺或者 message 用 video 帶俾大家會係更加有效同有 emotion 好多. 所以有時候我同 partner 一齊做 same day edit 時, 我都會有好多意見 (partners 們唔好見怪. ^^), 務求可以每次出嚟嘅片都係有唔同, 切合新人, 同帶多 d 新人或者我地嘅諗法俾大家.
不只一次有新人朋友問我, 成長片段 (或 March-in 片) 除咗 photo slideshow, 仲可以做 d 咩? 其實可以做嘅野有好多, 但係我想做一 d 比較有 message 嘅俾大家. 雖然有人會覺得睇舊相好似好悶 (其實我覺得都幾有 meaning), 但係我都會想做多 d.
Johnny 係我中學好友, 幫佢影 pre-wedding 前佢話我知想做個 mv 喺 march-in 前播.
我話不如做多少少, 好似有 d message 咁好似有意思 d.
好開心佢同 Ocean 都鍾意呢個 idea.
於是就喺有限時間裡面諗好 d 野同要一日做晒影相同影片. 起初我都驚會好趕, 兩頭唔到岸. 不過當日都算順利 (多謝 Kimmi 同 細B 幫手).
最後剪好晒都係我想要嘅野. 就係以下呢條片:
(可到 http://vimeo.com/31178843 睇 HD 版)
婚禮當日播時我都有 d 緊張, 因為有 d 位唔知觀眾們會點諗.
但 turn out 反應我自己都覺得 ok. 希望大家有笑之餘, 心裡面都有一點甜甜的微笑.
好多謝 Ocean 同 Johnny 當日好努力做番自己俾我影, 又喺錄音室錄咗好多個 "哈哈".
由構思, 籌備, 寫稿, 拍攝, 剪接, 配樂, 錄音, 到真係播出街用咗差唔多年幾時間, 到呢一刻打呢篇感想, 同睇到好朋友結婚嗰一刹那, 真係好感動. 希望你兩個同朋友們都鍾意呢條片.
除咗呢條片之外, 仲幫佢地整咗條 trailer:
有興趣嘅朋友歡迎聯絡我呀.
Preview of the photos in the wedding day...
No comments:
Post a Comment