Sabrina + Michael pre-wedding

好輕鬆愉快的一次 pre-wedding shooting.

夏日炎炎, 雖然好想去影相, 但係攞住咁多野周圍走的確有 d 辛苦. 但係今次同 Sabrina 同 Michael  影相係好舒服, 因為我地半日都喺佢地嘅母校入面周圍走, 唔駛趕, 慢慢影. 

我最喜歡聽新人嘅故事. 一路影一路同佢地傾下呢個位有咩回憶, 以前佢地係點識咁, 令我影嘅時候都會諗下有咩唔同方式及角度. 

Brian's favorite

校園戀愛總是值得人回味. 同一個地點, 拖著同一隻手, 不同的時間, 但還跟著你走.

Zoe + Chi pre-wedding

我覺得有兩樣野係幾難影嘅, 第一就係 bb 仔, 第二就係動物. 因為你永遠都唔知佢地想點. 同佢地影相你要好有技巧咁樣引佢地.

Zoe 屋企養咗好多隻貓 (我諗大槪有 5-6 隻吧). 佢想同佢 d 貓貓一齊影相, 於是我盡量將佢屋企變成一個簡單 d 嘅影樓, 咁就唔駛帶 d 貓出去又影到啦. 當日佢 d 貓貓都算合作, 冇爪傷我, 但係都係坐唔定. 所以最後都只係可以一隻隻影, 又或者抱住影.

Brian's favorite

簡簡單單, 全家幅, 好幸福...

Sze + Shun pregnancy

話咁快, 上年結婚嘅阿詩原來就快做媽媽啦.
好開心幫佢地影完 pre-wedding 同 wedding 之後可以咁快幫佢地影 pregnancy 相.
我成日都諗, 我好似睇住佢地好多個人生嘅重要階段咁. 見到佢地咁開心都有 d 感觸. 哈哈. 

Brian's favorite

I just love this...

Becky + Franky wedding

童話式的婚禮係好多女孩子夢寐以求嘅野, 但係因為好多其他原因, 唔係個個都做到. 但見到 Becky 同 Franky 咁用心機去打造佢地以童話為主題的婚禮, 相信佢地嘅夢相已經實現咗. 我都好開心幫佢地紀錄呢一個夢幻的一天.

Brian's favorite
相信有唔少新人都想喺伯大尼行禮. 呢間係香港少數嘅教堂可以容許非教徒都可以舉行婚禮. 入面面積不是很大, 但四周都有好靚嘅環境, 真係影到停唔到手.

Shinnie + Ronald wedding

Shinnie 同 Ronald 我之前同佢地影過 pre-wedding. 其實之後幾個月就到佢地 wedding, 好快又見到佢地同佢地影相.

今次我全輯相都用黑白嚟出, 係一個我比較少嘅做法. 彩色同黑白其實我都鍾意. 黑白俾到一個強 d 嘅報導感我, 而彩色就有豐富同開心嘅感覺. 希望大家都鍾意.

Brian's favorite moment
上頭儀式一般嚟講都會係婚禮前一晚, 所以好少會影到. 雖然講嘅都係一啲傳統恭賀說話, 但係都令到所有人好開心.